ମୁଖ୍ୟ କଥା
- ସାରା ଦେଶରେ ବଢ଼ିଲା ପେଟ୍ରୋଲ ଓ ଡିଜେଲ ଦର
- ପେଟ୍ରୋଲ ଲିଟର ପିଛା ୩ ଟଙ୍କା ବୃଦ୍ଧି
- ଡିଜେଲ ଲିଟର ପିଛା ୩ ଟଙ୍କା ୧୧ ପଇସା ବୃଦ୍ଧି
- CNG ଦର ମଧ୍ୟ ୨ ଟଙ୍କା ବଢ଼ିଲା
- ଇନ୍ଧନ ଦର ବୃଦ୍ଧିରେ ବଢ଼ିପାରେ ମହଙ୍ଗାଇ
ଦେଶରେ ପୁଣିଥରେ ବଢ଼ିଛି ପେଟ୍ରୋଲ ଓ ଡିଜେଲ ଦର। ପେଟ୍ରୋଲ ଲିଟର ପିଛା ୩ ଟଙ୍କା ବଢ଼ିଥିବା ବେଳେ ଡିଜେଲ ଦର ୩ ଟଙ୍କା ୧୧ ପଇସା ବୃଦ୍ଧି ପାଇଛି। ସେହିପରି CNG ଦରରେ ମଧ୍ୟ ୨ ଟଙ୍କା ବୃଦ୍ଧି ହୋଇଛି। ରାଜଧାନୀ ଦିଲ୍ଲୀରେ ପେଟ୍ରୋଲ ଦର ଲିଟର ପିଛା ୯୭ ଟଙ୍କା ୭୭ ପଇସା ହୋଇଥିବା ବେଳେ ଡିଜେଲ ଦର ୯୯ ଟଙ୍କା ୬୭ ପଇସାକୁ ପହଞ୍ଚିଛି।
ଅନ୍ୟପଟେ ଅଶୋଧିତ ତୈଳ ଦର ବୃଦ୍ଧି ଯୋଗୁଁ ତୈଳ କମ୍ପାନୀମାନଙ୍କର ଲାଭ ମାର୍ଜିନ୍ ପ୍ରଭାବିତ ହୋଇଛି। ଏହା ଫଳରେ ପ୍ରତିମାସ ପ୍ରାୟ ୩୦ ହଜାର କୋଟି ଟଙ୍କାର କ୍ଷତି ସହିବାକୁ ପଡ଼ୁଛି।
କେଉଁ ସହରରେ କେତେ ପେଟ୍ରୋଲ ଦର?
କୋଲକାତାରେ ସବୁଠାରୁ ଅଧିକ ୩ ଟଙ୍କା ୨୯ ପଇସା ବୃଦ୍ଧି ସହ ପେଟ୍ରୋଲ ଦର ୧୦୮ ଟଙ୍କା ୭୪ ପଇସାକୁ ପହଞ୍ଚିଛି। ମୁମ୍ବାଇରେ ୩ ଟଙ୍କା ୧୪ ପଇସା ବୃଦ୍ଧି ପରେ ଦର ୧୦୬ ଟଙ୍କା ୬୮ ପଇସା ହୋଇଛି। ଚେନ୍ନାଇରେ ୨ ଟଙ୍କା ୮୩ ପଇସା ବଢ଼ି ପେଟ୍ରୋଲ ଦର ୧୦୩ ଟଙ୍କା ୬୭ ପଇସା ହୋଇଛି। ଭୁବନେଶ୍ୱରରେ ପେଟ୍ରୋଲ ଦର ୧୦୪ ଟଙ୍କା ଅତିକ୍ରମ କରିଛି।
କେଉଁ ସହରରେ କେତେ ଡିଜେଲ ଦର?
ଡିଜେଲ ଦର ମଧ୍ୟ ୩ ଟଙ୍କାରୁ ଅଧିକ ବଢ଼ିଛି। କୋଲକାତାରେ ଡିଜେଲ ଦର ୯୫ ଟଙ୍କା ୧୩ ପଇସାକୁ ପହଞ୍ଚିଥିବା ବେଳେ ମୁମ୍ବାଇରେ ଏହା ୯୩ ଟଙ୍କା ୧୪ ପଇସା ହୋଇଛି। ଚେନ୍ନାଇରେ ଡିଜେଲ ଦର ୯୫ ଟଙ୍କା ୨୫ ପଇସା ହୋଇଥିବା ବେଳେ ଭୁବନେଶ୍ୱରରେ ଏହା ୯୫ ଟଙ୍କା ୮୭ ପଇସାକୁ ବଢ଼ିଛି।
ପ୍ରଭାବ କଣ ପଡ଼ିବ?
ପେଟ୍ରୋଲ ଓ ଡିଜେଲ ଦର ବୃଦ୍ଧି ଯୋଗୁଁ ଦେଶରେ ମହଙ୍ଗାଇ ଆହୁରି ବଢ଼ିପାରେ। ପରିବହନ ଖର୍ଚ୍ଚ ବଢ଼ିବା ସହ ସବ୍ଜି, ଦୁଗ୍ଧ, ରନ୍ଧନ ସାମଗ୍ରୀ ଓ ଦୈନନ୍ଦିନ ବ୍ୟବହାରୀୟ ସାମଗ୍ରୀର ଦର ମଧ୍ୟ ବୃଦ୍ଧି ପାଇପାରେ।
