କାରଖାନାରେ ଭୟଙ୍କର ବିସ୍ଫୋରଣ। ଚାଲିଗଲା ୩ଜଣଙ୍କ ଜୀବନ। ଆଗକୁ ଆହୁରି ମୃତ୍ୟୁ ସଂଖ୍ୟା ବଢ଼ିବ ବୋଲି ଆଶା କରାଯାଉଛି। ଗୁରୁବାର ଦିନ ମଧ୍ୟପ୍ରଦେଶର ଦେବାସ ଜିଲ୍ଲାର ଟୋଙ୍କାକାଲାନ ଗାଁରେ ଏକ ବେଆଇନ ଫାଇବର କାରଖାନାରେ ଅଗ୍ନିକାଣ୍ଡ ଘଟି ଅତି କମରେ ତିନି ଜଣଙ୍କର ମୃତ୍ୟୁ ହୋଇଥିବା ଏବଂ ୨୫ ଜଣ ଆହତ ହୋଇଥିବା ଅଧିକାରୀମାନେ କହିଛନ୍ତି। ପ୍ରାୟ ୧୧:୩୦ ସମୟରେ, ଅନେକ ଶ୍ରମିକ ଭିତରେ କାମ କରୁଥିବା ସମୟରେ କାରଖାନାରେ ହଠାତ୍ ବିସ୍ଫୋରଣ ଘଟି ନିଆଁ ଲାଗିଯାଇଥିଲା।ଏହି ଦୁର୍ଘଟଣା ପରେ ଗାଁରେ ପ୍ରବଳ ଜନ ଅସନ୍ତୋଷ ଦେଖାଦେଇଛି।

ଇନ୍ସପେକ୍ଟର ଜେନେରାଲ (ଉଜ୍ଜୈନ ରେଞ୍ଜ) ରାକେଶ ଗୁପ୍ତାଙ୍କ ଅନୁଯାୟୀ, “ଏବେ ପର୍ଯ୍ୟନ୍ତ ତିନି ଜଣଙ୍କର ମୃତ୍ୟୁ ନିଶ୍ଚିତ ହୋଇଛି, ଯେତେବେଳେ ୧୨ ଜଣ ଆହତଙ୍କୁ ଦେବାସ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି।” ସେ ଆହୁରି ମଧ୍ୟ କହିଛନ୍ତି ଯେ ଅନ୍ୟ ୧୨ ଜଣ ଗୁରୁତର ଆହତ ହୋଇଛନ୍ତି ଏବଂ ସେମାନଙ୍କୁ ଜୀବନ ରକ୍ଷାକାରୀ ଚିକିତ୍ସା ପାଇଁ ଇନ୍ଦୋରକୁ ପଠାଯାଇଛି।” ଅନେକଙ୍କ ଅବସ୍ଥା ଗୁରୁତର ଥିବାରୁ ମୃତ୍ୟୁ ସଂଖ୍ୟା ବୃଦ୍ଧି ପାଇବାର ସମ୍ଭାବନା ରହିଛି ବୋଲି ସରକାରୀ ସୂତ୍ରରୁ ପ୍ରକାଶ।” ବରିଷ୍ଠ ପୋଲିସ ଏବଂ ପ୍ରଶାସନିକ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି। ଉଦ୍ଧାର ଏବଂ ରିଲିଫ କାର୍ଯ୍ୟ ଚାଲିଛି।ମୃତ୍ୟୁ ସଂଖ୍ୟା ୧୫ରେ ପହଞ୍ଚିପାରେ ବୋଲି ସ୍ଥାନୀୟ ଲୋକେ ଦାବି କରୁଛନ୍ତି।

ସ୍ଥାନୀୟ ବାସିନ୍ଦା ଦାବି କରିଛନ୍ତି ଯେ କାରଖାନାରେ ବେଆଇନ ଭାବରେ ଫାଇବର ତିଆରି କରାଯାଉଥିଲା ଏବଂ ସେଠାରେ ଏକ ବଡ଼ ବିସ୍ଫୋରଣ ଘଟିଥିଲା। “ଆମ ଘରେ ଭୂମିକମ୍ପ ଅନୁଭୂତ ହୋଇଥିଲା। ଆମ ଶରୀର ଥରିଉଠିଲା ଏବଂ ଭଙ୍ଗା ଢାଲଗୁଡ଼ିକୁ ପବନରେ ପତଙ୍ଗ ପରି ଉଡ଼ୁଥିବାର ଦେଖିଲୁ। ସମଗ୍ର ଦୃଶ୍ୟ ବହୁତ ଭୟଙ୍କର ଥିଲା,” ସ୍ଥାନୀୟ ଲୋକ ରାକେଶ ମାଣ୍ଡଲୋଇ କହିଛନ୍ତି।”ପ୍ରତକ୍ଷଦର୍ଶୀ କହିଛନ୍ତି ଯେ ଭୟଙ୍କର ବିସ୍ଫୋରଣ ଯୋଗୁଁ ଆହତ ଏବଂ ମୃତ ବ୍ୟକ୍ତିଙ୍କ ଶରୀରର ଅନେକ ଅଂଶ ଛିଣ୍ଡି ଉଡ଼ି ଯାଇଥିଲା। ଯାହା କାରଖାନାରୁ ପ୍ରାୟ 25-30 ଫୁଟ ଦୂରରେ ମୁଖ୍ୟ ରାସ୍ତାରେ ବିଛାଡ଼ି ପଡ଼ିଥିଲା। ଘଟଣାସ୍ଥଳରେ ଉପସ୍ଥିତ ଶ୍ରମିକମାନଙ୍କ ପାଇଁ ମଧ୍ୟାହ୍ନ ଭୋଜନ ବିରତିର ମାତ୍ର 15-20 ମିନିଟ୍ ପୂର୍ବରୁ ଘଟଣା ଘଟିଥିଲା।