ସକାଳ ସକାଳେ ଏକ ଭୟଙ୍କର ଘଟଣା ଘଟିଛି, ଯେଉଁଠାରେ ରାଜଧାନୀ ଏକ୍ସପ୍ରେସ୍ ହଠାତ୍ ଅଗ୍ନିକାଣ୍ଡର ଶିକାର ହୋଇଛି। ଯାତ୍ରୀମାନେ ଘୁମୁଥିବା ସମୟରେ ହଠାତ୍ ଟ୍ରେନ୍ର ଏକ କୋଚ୍ରେ ନିଆଁ ଲାଗିଯାଇଥିଲା, ଯାହା ଦେଖି ଭିତରେ ଭୟ ଓ ଆତଙ୍କ ସୃଷ୍ଟି ହୋଇଥିଲା। ଯାତ୍ରୀମାନେ “ବଞ୍ଚାଅ, ବଞ୍ଚାଅ” ବୋଲି ଚିତ୍କାର କରୁଥିଲେ।
ଟ୍ରେନ୍ଟି ଉଚ୍ଚ ଗତିରେ ଚାଲୁଥିବା ବେଳେ ଏହି ଘଟଣା ଘଟିଥିଲା। ପ୍ରଥମେ ଧୂଆଁ ଦେଖାଯାଇଥିଲା, ତାପରେ ତୁରନ୍ତ ନିଆଁ ସମ୍ପୂର୍ଣ୍ଣ ଏସି କୋଚ୍ରେ ଫେଲିଗଲା। ଏହି ଘଟଣାରେ ରେଳ ସୁରକ୍ଷା ନେଇ ପୁଣିଥରେ ପ୍ରଶ୍ନ ଉଠିଛି।
ସୂଚନା ଅନୁସାରେ, 12431 ରାଜଧାନୀ ଏକ୍ସପ୍ରେସ୍ ଥିରୁବନନ୍ତପୁରମ୍ରୁ ହଜରତ ନିଜାମୁଦ୍ଦିନ୍ ଯାଉଥିଲା। ସକାଳ ପ୍ରାୟ ୫:୩୦ରେ ଲୁନି ରିଚା ଓ ବିକ୍ରମଗଡ଼ ଆଲୋଟ୍ ଷ୍ଟେସନ୍ ମଧ୍ୟରେ ଏହି ଅଗ୍ନିକାଣ୍ଡ ଘଟିଥିଲା।
ପ୍ରଥମେ ବି-୧ ଏସି କୋଚ୍ରୁ ଧୂଆଁ ନିସ୍କୁଟିବା ଦେଖି ଯାତ୍ରୀମାନେ ଆତଙ୍କିତ ହୋଇଥିଲେ। କିଛି ସମୟ ମଧ୍ୟରେ ନିଆଁ ସମ୍ପୂର୍ଣ୍ଣ କୋଚ୍କୁ ଗ୍ରାସ କରିଥିଲା। ଗାର୍ଡ୍ ତୁରନ୍ତ ଲୋକୋ ପାଇଲଟ୍କୁ ସୂଚନା ଦେଇଥିଲେ ଏବଂ ଟ୍ରେନ୍ଟିକୁ ରୋକାଯାଇଥିଲା।
ରେଳ କର୍ମଚାରୀ ଓ ସୁରକ୍ଷା ବାହିନୀର ତ୍ୱରିତ କାର୍ଯ୍ୟାନୁଷ୍ଠାନ ଫଳରେ ପ୍ରାୟ ୧୫ ମିନିଟ୍ ମଧ୍ୟରେ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ବାହାର କରାଯାଇଥିଲା। ପରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲେ।
