ପବ୍ଲିକ ଇଣ୍ଟରେଷ୍ଟ ଲିଟିଗେସନ (PIL) ଆଧାରରେ ଦାଖଲ ମାମଲାକୁ ଗ୍ରହଣ କରି କୋର୍ଟ କହିଛି ଯେ ଭାରତୀୟ ସଂସ୍କୃତିରେ ଗାଈକୁ ପବିତ୍ର ପଶୁ ଭାବେ ଗଣ୍ୟ କରାଯାଏ। ସଂବିଧାନର ଧାରା 48 ଅନୁଯାୟୀ ରାଜ୍ୟ ସରକାରଙ୍କର କର୍ତ୍ତବ୍ୟ ହେଉଛି ଗୋ-ସଂରକ୍ଷଣ ଏବଂ ଗୋହତ୍ୟା ରୋକିବା।

କୋର୍ଟ ତାମିଲନାଡୁ ସରକାରକୁ ନିର୍ଦ୍ଦେଶ ଦେଇଛି ଯେ ବକ୍ରି ଇଦ୍ କିମ୍ବା ଅନ୍ୟ କୌଣସି ଦିନରେ ଗୋହତ୍ୟା ହେବାକୁ କଡାକଡି ଭାବେ ରୋକାଯାଉ। ଏହା ସହିତ ସମସ୍ତ ଜିଲ୍ଲା ପ୍ରଶାସନ ଓ ପୋଲିସକୁ ଏହି ଆଦେଶ ସଠିକ୍ ଭାବେ ପାଳନ କରାଇବାକୁ ନିର୍ଦ୍ଦେଶ ମଧ୍ୟ ଦିଆଯାଇଛି।

ଏହି ମାମଲା କୋଏମ୍ବାଟୁରର ଜଣେ ନାଗରିକଙ୍କ ପକ୍ଷରୁ ଦାଖଲ ହୋଇଥିଲା, ଯିଏ ସାଧାରଣ ସ୍ଥାନରେ ଗୋହତ୍ୟା ହେଉଥିବା ଅଭିଯୋଗ କରିଥିଲେ। କୋର୍ଟ ଏହାକୁ ସେନ୍ସିଟିଭ୍ ମାମଲା ଭାବେ ଗ୍ରହଣ କରି ତୁରନ୍ତ ଶୁଣାଣି କରିଥିଲେ।

ରାୟ ପରେ ରାଜ୍ୟରେ ଆଇନ-ଶୃଙ୍ଖଳା ଓ ସାମାଜିକ-ଧାର୍ମିକ ସମ୍ବେଦନଶୀଳତା ନେଇ ଚର୍ଚ୍ଚା ବଢ଼ିଛି। ଆଗାମୀ ଦିନରେ ଏହି ନିଷ୍ପତ୍ତିକୁ ନେଇ ବିଭିନ୍ନ ପକ୍ଷରୁ ପ୍ରତିକ୍ରିୟା ଆସିବା ସମ୍ଭାବନା ରହିଛି।