IPL 2026 କ୍ୱାଲିଫାୟର-2 ମ୍ୟାଚ୍‌ରେ ରାଜସ୍ଥାନ ରୟାଲ୍ସ (RR) ପକ୍ଷରୁ ବୈଭବ ସୂର୍ଯ୍ୟବଂଶୀଙ୍କ ବିସ୍ଫୋରକ ପ୍ରଦର୍ଶନ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। ଗୁଜରାଟ ଟାଇଟାନ୍ସ (GT) ବିପକ୍ଷରେ ସେ ୪୭ ବଲ୍‌ରେ ୯୬ ରନ୍‌ର ଦମଦାର ଇନିଂସ ଖେଳି ଦଳକୁ ୨୧୪ ରନ୍‌ର ମଜବୁତ ସ୍କୋରରେ ପହଞ୍ଚାଇଥିଲେ। ତାଙ୍କ ଇନିଂସରେ ୮ଟି ଚୌକା ଓ ୭ଟି ଛକା ସାମିଲ ଥିଲା।

ଏହା ପୂର୍ବରୁ ଏଲିମିନେଟର ମ୍ୟାଚ୍‌ରେ ମଧ୍ୟ ସେ ୨୯ ବଲ୍‌ରେ ୯୭ ରନ୍‌ର ଧମାକାଦାର ପାଳି ଖେଳି ନିଜ ଫର୍ମ ପ୍ରମାଣ କରିଥିଲେ। ଲଗାତାର ଦୁଇଟି ମ୍ୟାଚ୍‌ରେ ଶତକରୁ ସାନ୍ନିହିତ ରହି ମଧ୍ୟ ସେ ଦଳର ସବୁଠୁ ଭରସାଯୋଗ୍ୟ ବ୍ୟାଟସମ୍ୟାନ ଭାବେ ଉଭା ହୋଇଛନ୍ତି।

ତେବେ ମ୍ୟାଚ୍‌ ପରେ ଡଗଆଉଟ୍‌ରେ ରାଜସ୍ଥାନ ଅଧିନାୟକ ରିୟାନ ପରାଗ ଏବଂ ବୈଭବ ସୂର୍ଯ୍ୟବଂଶୀଙ୍କ ମଧ୍ୟରେ ଏକ ତିବ୍ର ଆଲୋଚନା ଦେଖିବାକୁ ମିଳିଥିଲା, ଯାହାର ଭିଡିଓ ଓ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଏହି ମୁହୂର୍ତ୍ତକୁ ନେଇ ଫ୍ୟାନ୍ସମାନେ ଭିନ୍ନ ଭିନ୍ନ ମତ ରଖିଛନ୍ତି। ଅନେକ ଫ୍ୟାନ୍ସ ରିୟାନ ପରାଗଙ୍କ ବ୍ୟବହାର ଉପରେ ଅସନ୍ତୋଷ ଜଣାଇ କହିଛନ୍ତି ଯେ, “ଯେଉଁଠି ଟିମ୍‌କୁ ଶ୍ରେଷ୍ଠ ସ୍କୋର ଦେଲେ, ସେଠି ପ୍ରଶଂସା ମିଳିବା ଉଚିତ୍ ଥିଲା।”

ଏହି ଘଟଣା ପରେ IPL ପରିବେଶରେ ନୂଆ ବିବାଦ ଆରମ୍ଭ ହୋଇଛି ଏବଂ ସୋସିଆଲ ମିଡିଆରେ ଏହି ବିଷୟ ଦ୍ରୁତ ଭାବେ ଟ୍ରେଣ୍ଡ କରୁଛି।